ခေတ်သစ် တောင်ယာသူကြီး(သဂျီး)
♣ ပေါက်ပြားတုံးတုံး
ချွေးတလုံးလုံးနဲ့
ကုန်းရုန်းခဲ့သည်တောင်ယာမှာ ။
♣ ဗူး ဖရုံ ငရုတ် သခွား
မဖွံ့ထွားကြုံလှီ
မြေဆီတွေလည်းခမ်းခြေပြီ ။
♣ ရောင်နီလာစဉ်
အလုပ်ဝင်ခဲ့
မွန်းတည့်မနား
အလုပ်များသည်
ညဆီလည်းရောက်
တောဝက်ခြောက်ရသေး ။
♣ ယာထွက်သီးနှံရောင်း
ဈေးကောင်းရယ်မရ
သားလှရှင်ပြုရေး
ပေါက်ပြားသွေးရင်း
ရင်လေးဘိခြင်း ။
♣ သွေးလွန်းတဲ့ပေါက်ပြား
လက်တ၀ါးစာဘဲကျန်
ရိုးတံပြိုင်းကြဲဝလံတွေရှင်း
နောက်တခင်းပျိုးဖို့ကြံ ။
♣ အင်း…
ပေါက်ပြားအလက်ပေါင်း
ဘယ်နှစ်သောင်းကုန်မှ
သားလှရှင်ပြုနိုင်လိမ့်နော် ။
(နဂါးနိုင်)
No comments:
Post a Comment